अंबरनाथमध्ये सात बांगलादेशी पोलिसांच्या ताब्यात
अंबरनाथ, ता. ११ (वार्ताहर) : अंबरनाथ पूर्वेकडील शिवगंगानगर परिसरातून पोलिसांनी सात बांगलादेशी नागरिकांना ताब्यात घेतले आहे. या कारवाईत सहा महिला आणि एका पुरुषाचा समावेश आहे. पोलिसांनी दिलेल्या माहितीनुसार, हे सर्व जण बेकायदा भारतात राहत होते.
मिळालेल्या माहितीच्या आधारे झोन ३च्या पोलिसांनी शिवगंगानगर येथे सापळा रचून ही कारवाई केली. ताब्यात घेतलेल्यांमध्ये शिपा बलून पठाण (वय २७, रा. उत्तर कन्यायदेशी ठाणा कमलगंज, जिल्हा मल्लवी बाजार), शर्मिन मोने रुल इस्लाम (वय २०, रा. बोरीसार ठाणा शोरूम कटी, जिल्हा पिरजपूर), रीमा सागर अहमद (वय २९, रा. हरळी गाव गोदाबाग ठाणा जिंजिरा, विभाग ढाका), सुमया अबुल कासिम (वय २०, राहणार नवागाव ठाणा रुगंज विभाग कांचन, जिल्हा नांदगंज), पौर्णिमा मोहम्मद सुलेमान अख्तर (वय १९, राहणार ग्रामपंचायत ठाणा सदर, जिल्हा फेनी) आणि जोया जास्मिन (रा. गाजीपूर, ढाका) या सहा महिलांचा समावेश आहे. यासोबत रॉकी रहीम बादशाह (रा. बांगलादेश) यालाही ताब्यात घेतले आहे.
या पकडलेल्या नागरिकांचा राष्ट्रीय तपास संस्थेशी (एनआयए) कोणताही संबंध नसल्याचे पोलिसांनी स्पष्ट केले आहे. याप्रकरणी पुढील तपास सुरू आहे.