गॅरेजला लागलेल्या आगीत दुचाकी, कॉम्प्रेसर जळून खाक
ठाणे, ता.१४ : उथळसर, कॅसल मिल नाका या ठिकाणी असलेल्या निर्मलादेवी दिघे लघुउद्योग संकुलाच्या गाळा नं. १७ मधील दुचाकी दुरुस्तीच्या गॅरेजला आगलागल्याची घटना रविवारी (ता.१४) मध्यरात्री एक ते सव्वाएक वाजण्याच्या सुमारास लागली. ती आग अवघ्या २० मिनिटात नियंत्रणात अग्निशमन दलाच्या जवानांना यश आले. या घटनेत गॅरेजमधील ०१- दुचाकी, कॉम्प्रेसर व दुरुस्तीचे काही साहित्य जळून नुकसान झाल्याची माहिती ठाणे महापालिका आपत्ती व्यवस्थापन कक्षेने दिली.
कॅसल मिल नाका ठिकाणीच्या निर्मलादेवी दिघे लघुउद्योग संकुलात आग लागल्याची माहिती मिळताच घटनास्थळी राबोडी पोलिस , अग्निशमन दलाचे जवान तसेच आपत्ती व्यवस्थापन कक्षेचे कर्मचारी यांनी धाव घेत, आगीवर नियंत्रण मिळविले. सुदैवाने या घटनेत कोणालाही दुखापत झाली नसली तरी त्या ८ बाय ६ फुटांच्या गाळ्यातील ०१ दुचाकी, कॉम्प्रेसर व दुरुस्तीचे काही साहित्य जळाले आहे. मात्र ही आग नेमकी कशी लागली हे समजू शकले नाही. यावेळी एक फायर आणि एक रेस्क्यू वाहन पाचारण करण्यात आल्याची माहिती आपत्ती व्यवस्थापन कक्षेने दिली.