विद्यार्थ्यांमध्ये रस्ते सुरक्षा जागरूकता मोहीम
मुंबई, ता. १७ ः होंडा मोटरसायकल अँड स्कूटर इंडियाने रस्ता सुरक्षा जनजागृती मोहिमेत शारदाश्रम विद्यामंदिर इंटरनॅशनल स्कूल अँड ज्युनियर कॉलेज आणि के. जे. सोमय्या आर्ट्स अँड कॉमर्स कॉलेजमधील विद्यार्थ्यांना यात सहभागी करून घेतले. जबाबदार वाहतूक संस्कृती रुजवणे आणि सुरक्षित प्रवासाच्या सवयींचे महत्त्व पटवून हा या मोहिमेमागचा उद्देश आहे.
या कार्यक्रमामध्ये विद्यार्थ्यांना हेल्मेटचा योग्य वापर, वाहतूक नियमांचे पालन, पादचारी शिस्त आणि रस्त्यावर धोके ओळखण्यासंबंधीचे शिक्षण देण्यात आले. सुरक्षा ही केवळ नियमांची अंमलबजावणी नसून ती जीवनशैली असल्याचे विद्यार्थ्यांना समजावण्यात आले. शाळा आणि महाविद्यालयांमधून सुरुवात करून, हे संदेश विद्यार्थी घरी आणि समाजात पोहोचवतात, ज्यामुळे व्यापक प्रभाव निर्माण होतो, असे कंपनीचे म्हणणे आहे.