नवी मुंबईत होणार खुल्या राष्ट्रीय कराटे स्पर्धा
वाशी, ता. १८ (बातमीदार) ः युनिव्हर्स कराटे मार्शल आर्ट्स अकॅडमी इंडियाच्या वतीने आयोजित खुल्या राष्ट्रीय कराटे स्पर्धा २८ सप्टेंबर रोजी बामनडोंगरी येथील भूमिपुत्र सिडको भवन येथे रंगणार आहे. या स्पर्धेची माहिती अकॅडमीचे अध्यक्ष शिहान ढवळे यांनी दिली.
या स्पर्धेच्या आयोजनामध्ये शिहान ढवळे यांच्यासोबत शिहान शंकर शेलार, सेन्सई महेश दाभाडे, सेन्सई सायली सरवणकर, सेन्सई सुरेश माने, सेन्सई सोनाली माने, सेन्सई सोहम सरवणकर यांच्यासह मारुती पाटील, सिद्धेश सरवणकर, सचिन औताडे, उदय शिंदे, मयुरी प्रजापती, अंजली बोराटे, जाणशी बंदिचोडे, कायनात पावणे, साक्षी करडे, सुशांत पालवे, निलेश धोंडे, आर्यन सावंत, राफेल नदार, अलोक वर्मा, आर्यन भोसले, मानसी गोडसे आदी कार्यकर्ते सक्रिय योगदान देणार आहेत. या स्पर्धेला मुंबई पोलिस उपायुक्त सायबर गुन्हे पुरुषोत्तम कराड, कराटे दो असोसिएशन महाराष्ट्राचे अध्यक्ष शिहान सल्लाउद्दीन अन्सारी व सेक्रेटरी शिहान संदीप गाडे उपस्थित राहून खेळाडूंचे मनोबल वाढवतील. कराटेपटूंना आंतरराष्ट्रीय पातळीवर पोहोचण्यासाठी व्यासपीठ मिळावे, त्यांचा सराव आणि आत्मविश्वास वाढावा, या उद्देशानेच स्पर्धेचे आयोजन करण्यात आले आहे, असे शिहान ढवळे यांनी सांगितले. या महोत्सवाकडे खेळाडूंसह क्रीडाप्रेमींचे लक्ष लागले आहे.