नदी प्रदूषणाप्रकरणी तिघांवर गुन्हा
आंबेवाडी हद्दीतील प्रकार, कोलाड पोलिसांकडून कारवाई
रोहा ता.२०(बातमीदार)ः कोलाड आंबेवाडी हद्दीतील गोदी नदीत दूषित सांडपाणी सोडल्याचा प्रकार कोलाड परिसरात भरदुपारी होता. या घटनेचा व्हिडिओ समाजमाध्यमांवर व्हायरल झाल्यानंतर कोलाड पोलिस ठाण्यात तिघांवर गुन्हा दाखल करण्यात आला आहे.
आंबेवाडी गावाजवळ गोदी नदीपात्रात गुरुवारी (ता.१८)दुपारी १२.४५च्या सुमारास दूषित पाणी सोडण्यात आले होते. या प्रकारामुळे नदी पात्रातील वन्यजीवांना धोका तसेच विविध जलजन्य रोगाचा संसर्ग पसरण्याची शक्यता असल्याने सुभाष भोसले ( रा.चिंचवली ता. रोहा ) सोनू वर्मा, मोंटू यादववर ( रा. रोठ ता.रोहा) कोलाड पोलिस ठाण्यात गुन्हा नोंदवण्यात आला आहे.