भिवंडी महाविद्यालयात साहित्य कट्टा उत्साहात
भिवंडी (वार्ताहर) ः भिवंडीतील पद्मश्री अण्णासाहेब जाधव भारतीय समाज उन्नती मंडळ संचालित बीएनएन महाविद्यालयात विद्यार्थ्यांच्या साहित्यिक कलागुणांना वाव देण्यासाठी गुरुवारी (ता. १८) साहित्य कट्टा या कार्यक्रमाचे आयोजन करण्यात आले होते. या कार्यक्रमात विद्यार्थ्यांनी साहित्य व भाषेवर आपले विचार व्यक्त केले. याप्रसंगी महाविद्यालयाच्या प्रभारी प्राचार्या डॉ.सुवर्णा रावळ, उपप्राचार्य डॉ. सुधीर निकम, डॉ. शशिकांत माळुंगकर, डॉ. भीमराव पाईकराव, प्रा. किशोर आगिवले यांच्यासह विद्यार्थी मोठ्या संख्येने उपस्थित होते.
विद्यार्थ्यांचे सर्वांगीण विकास होत असताना विद्यार्थ्यांच्या साहित्यिक कलागुणांचा भाषा प्रभुत्वाचा सुद्धा विकास होणे गरजेचे आहे. त्यासाठी विद्यार्थ्यांनी योग्य शब्दात व्यक्त होणे गरजेचे आहे. त्यासाठी हा साहित्यिक कट्टा उपयुक्त ठरणार असल्याचे प्रतिपादन डॉ. सुवर्ण रावळ यांनी उद्‍घाटनप्रसंगी केले.या कार्यक्रमात प्राची प्रजापती, नाजमीन शेख, सुजल जाधव, पियुष मस्तूड, ज्ञानेश्वरी पाटील, मयुरी बराडे, वेदिका पावसे, ममता गुप्ता, प्रगती सिंग आदी विद्यार्थ्यांनी‌ साहित्य व भाषेवर आपले विचार व्यक्त केले. या कार्यक्रमाचे सूत्रसंचालन डॉ. बी. टी पगारे तर आभार डॉ. शशिकांत माळुंकर यांनी मानले.