आदिवासी विद्यार्थ्यांना शालेय साहित्याचे वाटप
टोकावडे, ता. २० (बातमीदार) ः आदिवासी विचारमंच राज्य व बिरसा ब्रिगेड सह्याद्री, सातपुडा यांच्या संकल्पनेतून आणि आदिनाथ झाडे यांच्या सहकार्याने बिरसा ब्रिगेड सह्याद्री मुरबाड टीमतर्फे शालेय साहित्य वाटप कार्यक्रम आयोजित करण्यात आला.
मुरबाड तालुक्यातील दुर्गापूर, वाघाचीवाडी (कळंबाड), चिंचवाडी, मढवाडी, वाघवाडी (मढ), भेरेचीवाडी आणि देवघर कातकरवाडी येथील जिल्हा परिषद शाळांमधील एकूण १५२ आदिवासी विद्यार्थ्यांना स्कूल बॅग, वही, चित्रकला वही, कंपाससह विविध शालेय साहित्याचे वाटप करण्यात आले. या उपक्रमात बिरसा ब्रिगेडचे पदाधिकारी, नारायण सावळा, दीपक वाघ, छगन खेमा वाघ, गणपत शेळकंदे, तुकाराम वाघ, छगन कुशा वाघ, लक्ष्मण कवटे, अनेश शिद व मधुकर मेंगाळ आदी उपस्थित होते.