भिवंडीत वोटचोरीविरोधात काँग्रेसची स्वाक्षरी मोहीम
भिवंडी (वार्ताहर) ः भिवंडीत युवक काँग्रेसच्या वतीने शहर जिल्हाध्यक्ष राहुल पाटील यांच्या नेतृत्वाखाली शनिवारी (ता. २०) ‘वोट चोर गद्दी छोड’ या बॅनरखाली काँग्रेस कार्यालयासमोर स्वाक्षरी मोहीम राबवली. या वेळी निदर्शने करून भाजपचा निषेध व्यक्त करण्यात आला.
नागरिकांमध्ये जनजागृती होण्यासाठी काँग्रेसचे नेतृत्व राहुल गांधी यांच्या आदेशाने ही आंदोलन देशभर सुरू राहणार आहे, अशी माहिती शहर जिल्हाध्यक्ष राहुल पाटील यांनी दिली. युवक काँग्रेसचे शहर जिल्हाध्यक्ष राहुल पाटील यांच्या नेतृत्वाखाली झालेल्या या आंदोलनात युवक काँग्रेस महाराष्ट्र प्रदेश सचिव आफरीन शेख, काँग्रेसचे आर्शी आजमी, काँग्रेस माजी नगरसेवक सिद्धेश्वर कामूर्ती, काँग्रेसचे माजी महिला जिल्हाध्यक्षा रेहाना अन्सारी आदींसह युवक काँग्रेसचे कार्यकर्ते मोठ्या संख्येने सहभागी झाले होते.