मुलुंडमध्ये प्रथमच साकारली जाणार देवीची संपूर्ण कागदी मूर्ती
मुलुंड, ता. २१ (बातमीदार) ः जय अंबे सार्वजनिक नवरात्रोत्सव मंडळ आणि प्रयास सेवाभावी संस्था यांच्यातर्फे सालाबादप्रमाणे यंदाही नवरात्रोत्सवाचे आयोजन सोमवार (ता. २२) ते गुरुवार (२ ऑक्टोबर) या कालावधीत टाटा कॉलनी, मुलुंड (पूर्व) येथे करण्यात आले आहे. यंदा मंडळाचे उत्‍सवाचे ३९वे वर्ष आहे. विशेष म्हणजे या वर्षी सुप्रसिद्ध मूर्तिकार प्रेम कदम यांनी पर्यावरणपूरक संपूर्ण कागदी मूर्ती साकारली असून, भव्यदिव्य सजावट या ठिकाणी करण्यात आली आहे. आपल्या परंपरा, उत्सव साजरा करतानाच पर्यावरणाची काळजी घेणे आवश्‍यक आहे, याच हेतूने यंदा देवीची संपूर्ण कागदी मूर्ती साकारली जात असल्याची माहिती संस्थेचे अध्यक्ष ॲड. सागर देवरे यांनी दिली.