भिवंडी, ता. २१ (वार्ताहर) : समवयस्क पुतण्याने २८ वर्षीय चुलतीला लग्नाच्या भूलथापा देऊन तिच्याशी प्रेमसंबंध प्रस्थापित करून अत्याचार केल्याची धक्कादायक घटना समोर आली आहे. याप्रकरणी तरुणाविरोधात भोईवाडा पोलिस ठाण्यात गुन्हा दाखल करण्यात आला आहे. या घटनेनंतर त्याला पोलिसांची कुणकुण लागताच तो फरार झाला आहे. हुसनेदिन मैनुददीन शहा (२८) असे त्याचे नाव आहे. पोलिसांनी दिलेल्या माहितीनुसार, हुसनेदिन हा भिवंडीतील आझमीनगर येथील टिपू सुलतान चौकात राहात असून, केस कर्तनालयात न्हाव्याचे काम करतो. त्याने चुलतीला प्रेमाच्या आणाभाका देत लग्नाच्या भूलथापा देऊन गेल्या चार वर्षांपर्यंत वारंवार अत्याचार केल्याचे तक्रारीत म्हटले आहे. पीडितेने लग्नासाठी तगादा लावला असता त्याने नकार दिल्याने फसवणूक झाल्याचे लक्षात येताच तिने भोईवाडा पोलिस ठाण्यात तक्रार दाखल केली.