मुंबई-नांदेडदरम्यान चार विशेष रेल्वे गाड्या
मुंबई, ता. २१ : सणासुदीच्या काळात प्रवाशांची अतिरिक्त गर्दी लक्षात घेऊन मध्य रेल्वेने लोकमान्य टिळक टर्मिनस ते हुजूर साहेब नांदेडदरम्यान चार विशेष रेल्वे गाड्या चालविण्याची घोषणा केली आहे. त्यामुळे मुंबई ते नांदेड प्रवास करणाऱ्या प्रवाशांना मोठा दिलासा मिळाला आहे.

मध्य रेल्वेने दिलेल्या माहितीनुसार, ट्रेन क्रमांक ०७६०४ एलटीटी-हुजूर साहेब नांदेड ही विशेष गाडी २३ सप्टेंबर २०२५ ते ३० सप्टेंबर २०२५ पर्यंत दर मंगळवारी लोकमान्य टिळक टर्मिनस, मुंबई येथून संध्याकाळी ४.३५ वाजता सुटेल. परतीच्या प्रवासासाठी ट्रेन क्रमांक ०७६०३ ही विशेष गाडी २२ सप्टेंबर २०२५ ते २९ सप्टेंबर २०२५ पर्यंत दर सोमवारी हुजूर साहेब नांदेड येथून रात्री ११.४५ वाजता सुटेल. या गाडीला ठाणे, कल्याण, इगतपुरी, नाशिक रोड, मनमाड, नागरसोल, रोटेगाव, लासूर, औरंगाबाद, जालना, परतूर, सेलू, मानवत रोड, परभणी आणि पूर्णा रेल्वेस्थानकांवर थांबा देण्यात आला आहे. या गाड्यांचे आरक्षण भारतीय रेल्वेच्या सर्व आरक्षण केंद्रावर आणि ‘आयआरसीटीसी’च्या संकेस्थळावर सुरू झाले आहे.