अण्णासाहेब पाटलांच्या जयंतीसाठी मुख्यमंत्री, उपमुख्यमंत्री लावणार हजेरी
जुईनगर, ता. २२ (बातमीदार) : मुंबई कृषी उत्पन्न बाजार समितीमधील होलसेल कांदा-बटाटा मार्केटच्या लिलावगृहात गुरुवारी (ता. २५) अण्णासाहेब पाटील यांची ९२वी जयंती साजरी केली जाणार आहे. या कार्यक्रमाला मुख्यमंत्री, उपमुख्यमंत्री, पणन मंत्री व स्थानिक आमदारांसह अनेक नेते उपस्थित राहणार आहेत. माथाडी नेते नरेंद्र पाटील असून, प्रशासन पूर्ण ताकदीने तयारी करीत आहे.
या कार्यक्रमास संपूर्ण राज्यातून माथाडी कामगार उपस्थित राहणार असून, त्यांची गैरसोय होऊन नये म्हणून प्रशासक विकास रसाळ यांनी सोमवारी (ता. २२) पाहणी दौरा करून संबंधित अधिकाऱ्यांना आवश्यक त्या सूचना दिल्या. विशेषकरून सुरक्षा अधिकाऱ्यांना रस्ते, पाणी आणि स्वच्छता यावर विशेष लक्ष देण्याचे निर्देश दिले. बाजार समितीमध्ये नुकतीच प्रशासक म्हणून विकास रसाळ यांची नियुक्ती झाली. त्यांच्या कामाची पद्धत पाहता बाजारपेठेच्या कार्यपद्धतीत वेगवान बदल होण्याची अपेक्षा व्यापाऱ्यांसह अधिकारी व कर्मचाऱ्यांमध्ये दिसून येत आहे.