अंबरनाथ, ता. २२ (बातमीदार) : भाजपच्या सेवा पंधरवडा निमित्ताने अंबरनाथमधील छाया उपजिल्हा रुग्णालयात रुग्णांना फळवाटप करण्यात आले. भाजपच्या माध्यमातून २ ऑक्टोबरपासून विविध सेवा उपक्रम सुरू आहेत. या उपक्रमाअंतर्गत माजी नगरसेविका अनिता आदक यांच्या नेतृत्वाखाली छाया हॉस्पिटलमधील रुग्णांना फळवाटप केले. यावेळी भाजपचे कल्याण जिल्ह्याचे उपाध्यक्ष संजय आदक उपस्थित होते आणि रुग्णांशी संवाद साधला. अंबरनाथमधील सर्वात जुने रुग्णालय असलेल्या छाया रुग्णालयात दररोज अंदाजे ६०० रुग्णांची बाह्यरुग्णांत तपासणी होत असते. यावेळी अनिता आदक यांनी येथे सेवा अधिक अद्ययावत करण्याची गरज व्यक्त केली. यासोबतच, गोरगरिबांना रुग्णालयाच्या माध्यमातून सर्व आरोग्य सेवा मिळवून देण्यासाठी मुख्यमंत्री देवेंद्र फडणवीस यांना निवेदन दिले जाणार असल्याचे त्यांनी सांगितले.