विक्रोळीत ‘ऑपरेशन सिंदूर’ची प्रतिकृती
घाटकोपर, ता. २५ (बातमीदार) ः विक्रोळीतील प्रसिद्ध दुर्गामाता मंडळाने यंदा काश्मीरमधील दहशतवादी हल्ल्याच्या पार्श्वभूमीवर भारतीय जवानांच्या शौर्याला अभिवादन करीत ‘ऑपरेशन सिंदूर’ची प्रतिकृती साकारली आहे.
१९७१ला स्थापन झालेल्या विक्रोळी दुर्गामाता मंडळाचे यंदाचे उत्‍सवाचे ५५वे वर्ष आहे. सामाजिक आणि सांस्कृतिक कार्याचा ठसा उमटवणाऱ्या या मंडळाने आतापर्यंत अनेक उपक्रम राबवले आहेत. कोरोनाकाळात रुग्णसेवा उपलब्ध करून देणे, पूरग्रस्त भागांना जीवनावश्यक वस्तूंचे वाटप, आदिवासी पाड्यातील गरजूंना मदतीचा हात अशा उपक्रमांचा उल्‍लेख करावा लागेल.
‘ऑपरेशन सिंदूर’ची प्रतिकृती पाहून भक्तांना देशभक्ती आणि देवीचा आशीर्वाद याचा संगम अनुभवायला मिळणार आहे, अशी माहिती मंडळाचे प्रमुख सल्लागार निमेश पारकर यांनी दिली.