आर्यन खानच्या शोविरोधात समीर वानखेडे न्यायालयात

सकाळ वृत्तसेवा
मुंबई, ता. २५ ः वेब सीरिजमधून आपली खिल्ली उडवल्याबद्दल महसूल अधिकारी (डीजीटीएस) समीर वानखेडे यांनी शाहरुख खानचा मुलगा आर्यन खानसह नेटफ्लिक्सच्या या शोविरोधात उच्च न्यायालयात याचिका दाखल केली आहे.
आर्यन खान दिग्दर्शित आठ भागांचा हा शो १८ सप्टेंबरला प्रदर्शित झाला आहे. काही वर्षांपूर्वी समीर वानखेडेंनी आर्यन खानवर ड्रग्ज प्रकरणात कारवाई केली होती. त्या वेळी आर्यनला महिनाभरासाठी कारागृहात राहावे लागले होते. आता आर्यन खानने ‘द बॅड्स ऑफ बॉलीवूड’ या वेब सीरिजमध्ये समीर वानखेडेंसारखे दिसणारे पात्र उभे करून त्यांची खिल्ली उडवली आहे. या शोमधील एका दृश्यात आपली खिल्ली उडवल्याचा आरोप वानखेडे यांनी केला आहे. तसेच संबंधित वेब सीरिजवर कायमस्वरूपी बंदी घालण्याचे आदेश देण्याची मागणी याचिकेत केली आहे.