सामाजिक बांधिलकी जपणारे कालिका माता सेवा मंडळ
गडकिल्ल्यांच्या संवर्धनाबाबत जनजागृती
सकाळ वृत्तसेवा
मुंबई, ता. २७ ः दादर पूर्वेतील मुंबई मराठी ग्रंथ संग्रहालय मार्गावरील कालिका माता सेवा मंडळ गेल्या ५४ वर्षांपासून सामाजिक बांधिलकी जपत नवरात्रोत्सव साजरा करत आहे. देहदान, अवयवदान असे उपक्रम राबवत समाजाप्रती आपण बांधील आहोत, याची जाणीव लोकांमध्ये जनजागृतीच्या माध्यमातून करण्यात येते.
अत्याचार, ड्रग्जविक्री व सेवन याची वाढती व्याप्ती याविरोधात विशेषकरून तरुण पिढीत जनजागृती निर्माण करणे, गडकिल्ल्यांचे संवर्धन करणे, याबाबत जनजागृती मोहीम हाती घेण्यात येणार आहे.
मराठवाडा, बीड, अहिल्यानगरमध्ये मुसळधार पावसामुळे शेतकरी, नागरिकांचे मोठे नुकसान झाले आहे. कालिका माता सेवा मंडळाने तत्काळ वैद्यकीय मदतीचा हात पुढे केला आहे. महिलांवरील अत्याचार, अमली पदार्थांची विक्री व सेवन रोखण्यासाठी मंडळाच्या माध्यमातून जनजागृती मोहीम राबवण्यात येणार आहे.