गरबा खेळताना महिलेचा मृत्यू

नालासोपारा, ता. २६ (बातमीदार) ः वसई- विरार- नालासोपाऱ्यात सध्या नवरात्रोत्सवाची धूम सुरू आहे. वसईत गरबा खेळताना ४५ वर्षीय महिलेचा हृदयविकाराच्या झटक्याने मृत्यू झाला आहे. फाल्गुनी राजेश शहा (वय ४५) मृत महिलेचे नाव आहे. वसई पश्चिमेतील ओमनगर येथील विघ्नेश्वर नवरात्री उत्सव मंडळात बुधवारी (ता. २४) ही घटना घडली. गरबा खेळल्यानंतर महिलेला अचानक चक्कर आली, त्या खाली बसल्या आणि तिथेच त्यांना हृदयविकाराचा झटका आला. मंडळाच्या कार्यकर्त्यांनी महिलेला तत्काळ दवाखान्यात उपचारासाठी दाखल केले; पण तोपर्यंत त्यांचा मृत्यू झाला होता.