काँग्रेसचे नेते जिल्हा दौऱ्यावर
रोहा ता.२ (बातमीदार)ः रायगड जिल्ह्यात गतवैभव प्राप्त करुन देण्यासाठी आगामी जिल्हा परिषद, पंचायत समिती, नगर परिषद, नगर पंचायत निवडणुकीची काँग्रेस पक्षाने तयारी सुरू केली आहे. याच अनुषंगाने जिल्ह्यातील ६ विधानसभा क्षेत्रात शुक्रवारपासून प्रभारी मंडळींचा दौरा होणार आहे.
जिल्हास्तरीय दौऱ्याची सुरुवात शुक्रवारी सकाळी ११ वाजता कर्जत तालुक्यातील नेरळ येथून होणार आहे. तर सायंकाळी ४ वाजचा खालापूर तालुक्यातील खोपोली येथील मुस्लिम कम्युनिटी हॉल शास्त्री नगर बैठक होणार आहे. त्यानंतर ५ ऑक्टोबर रोजी पनवेल-उरण मतदार संघाची खोपटे येथील बैठक होणार आहे. ७ ऑक्टोबर रोजी पेण, ८ ऑक्टोबर रोजी सकाळी ११ वाजता तळा येथे, माणगाव येथे दुपारी २ वा. तर सायंकाळी ५ वा. महाड येथे बैठक होणार आहे. ९ ऑक्टोबर रोजी रोजी सकाळी ११ वाजता श्रीवर्धन येथे तर दुपारी २ वाजता अलिबाग येथे बैठक होणार आहे.