लोणेरे येथे रक्तदान शिबिर
माणगाव, ता.२ (वार्ताहर) ः शासकीय वैद्यकीय महाविद्यालय व सर जेजे रुग्णालय रक्तपेढी विभाग मुंबई यांच्या संयुक्त विद्यमाने राष्ट्रीय सेवा योजने अंतर्गत लोणेरे येथील डॉ.बाबासाहेब आंबेडकर तंत्रशास्त्र विद्यापीठात रक्तदान शिबिराचे आयोजन करण्यात आले होते.या रक्तदान शिबिराचे उद्घाटन विद्यापीठाचे कुलगुरू कर्नल प्राध्यापक डॉ.कारभारी काळे यांनी केले. यावेळी ब्लड बँक ऑफिसर डॉ. मयूर सोनवणे,सोशल सर्विस सुप्रिटेंड श्री. कदम, राष्ट्रीय सेवा योजना समन्वयक प्राध्यापक डॉ. हेमंत वऱ्हाटकर आणि विद्यापीठाचे इतर मान्यवर उपस्थित होते. या रक्तदान शिबिरात थॅलेसेमिया चाचणी सुद्धा केली गेली असून या थॅलेसेमिया चाचणीमध्ये एकूण २४७ जणांनी सहभाग घेतला होता .या रक्तदान शिबिराचे आयोजन डॉ. बाबासाहेब आंबेडकर तंत्रशास्त्र विद्यापीठाचे राष्ट्रीय सेवा योजनेचे समन्वयक डॉ. हेमंत वराटकर यांच्या मार्गदर्शनाखाली झाले असून एकूण १०० लोकांनी सहभाग घेतला होता. या शिबिरासाठी राष्ट्रीय सेवा योजनेच्या विद्यार्थ्यांनी या रक्तदान शिबिरासाठी विशेष प्रयत्न करून यशस्वीरित्या रक्तदान शिबिर पार पडले.