१२७ वर्षांची शस्त्रपूजनाची परंपरा
दसऱ्यानिमित्त रायगड पोलिस मुख्यालयात कार्यक्रम
अलिबाग, ता.१० (वार्ताहर)ः विजयादशमीच्या दिवशी शस्त्र पूजनाची ब्रिटीश काळापासून सुरु असलेली पंरपरा १२७ वर्षांपासून अखंडपणे सुरू आहे. याच अनुषंगाने जिल्हा पोलिस अधीक्षक आंचल दलाल यांनी रायगड पोलिस मुख्यालयात गुरुवारी (ता.२) शस्त्रपूजा केले.
जिल्हा पोलिस अधीक्षक आंचल दलाल यांनी शस्त्रांना वंदन करून आपण त्या नेहमी शिस्त, प्रामाणिकपणा आणि कायद्याच्या मार्गदर्शनाखालीच वापरण्याची प्रतिज्ञा केली. ही पूजा आपल्याला परंपरेशी जोडते. सामर्थ्य हे नेहमी धर्मनिष्ठतेच्या मार्गानेच वापरले पाहिजे. दसऱ्याच्या निमित्ताने सत्याचा, भीतीवर धैर्याचा आणि अन्यायावर न्यायाचा विजय व्हावा, अशीही आशा त्यांनी व्यक्त केली. यावेळी ही शस्त्रे केवळ कर्तव्य पार पाडण्याची साधने नसून समाजाचे रक्षण, न्याय प्रस्थापित करणे आणि शांतता टिकवून ठेवण्याची जबाबदारी असल्याचे प्रतीक असल्याचे सांगितले.