पालिका रुग्णालयाजवळ दुचाकी जळून खाक
सकाळ वृत्तसेवा
ठाणे, ता. २ : मुंब्र्यातील ठाणे महापालिका रुग्णालयाजवळील एम एम व्हॅली रस्त्यावर एका दुचाकीला अचानक आग लागल्याची घटना बुधवारी (ता. १) घडली. या घटनेची माहिती मिळताच अग्निशमन दलाच्या जवानांनी घटनास्थळी धाव घेत, त्या आगीवर नियंत्रण मिळविले. सुदैवाने या घटनेत कोणालाही दुखापत झाली नसून गाडी मालकाचे किंवा चालकाचे नाव समजू शकलेले नाही, अशी माहिती आपत्ती व्यवस्थापन कक्षेने दिली.