अश्लील चाळे करणारा जेरबंद
नवी मुंबई (वार्ताहर) ः वाशीमध्ये राहणाऱ्या एका तरुणाने अल्पवयीन मुलीचा विनयभंग केल्याचा प्रकार उघडकीस आला आहे. या प्रकरणात वाशी पोलिसांनी आरोपी तरुणाविरोधात विनयभंग तसेच पोक्सो कलमानुसार गुन्हा दाखल केला आहे.
घणसोलीत राहणाऱ्या पीडित मुलीची वाशीमध्ये राहणाऱ्या महाविद्यालयीन तरुणाशी ओळख झाली होती. २८ सप्टेंबर रोजी वाशी सेक्टर २८मधील गरब्याच्या ठिकाणी दांडिया खेळण्याच्या निमित्ताने दोघांनी भेटण्याचे ठरवले होते. या वेळी आरोपी तरुणाने पीडित मुलीला कारमधून दुसऱ्या ठिकाणी घेऊन जात असताना, तिच्यासोबत अश्लील चाळे केले. हा प्रकार तिने वडिलांना सांगितला होता. त्यानुसार रबाळे पोलिस ठाण्यात याप्रकरणी तक्रार दाखल करण्यात आली होती.