महिला वसतिगृहातून दहा महिलांचे पलायन
उल्हासनगर, ता. ३ (वार्ताहर) ः उल्हासनगर येथील शांतीसदन महिला वसतिगृहातून पिटा कायद्यांतर्गत अटक केलेल्या दहा महिलांनी बुधवारी (ता. १) रात्री पलायन केले. पोलिसांनी तत्काळ शोधमोहीम राबवत चार महिलांना ताब्यात घेतले; मात्र सहा महिला अद्यापही बेपत्ता असून पोलिस त्यांचा शोध घेत आहेत. कॅम्प क्रमांक पाचमधील या वसतिगृहातून इतक्या मोठ्या संख्येने महिलांचे पलायन झाल्यामुळे वसतिगृहाच्या सुरक्षा व्यवस्थेवर गंभीर प्रश्नचिन्ह निर्माण झाले आहे. सुरक्षा रक्षकांच्या निष्काळजीमुळे हा प्रकार घडल्याचा अंदाज असून, पोलिस घटनेची चौकशी करीत आहेत.