‘जागतिक वैज्ञानिक कोश’ पुस्तक प्रकाशन उत्साहात
टिटवाळा (वार्ताहर) : गणेश विद्यालय व कनिष्ठ महाविद्यालय, टिटवाळा येथे जागतिक वैज्ञानिक कोश या महत्त्वपूर्ण ग्रंथाचा प्रकाशन सोहळा उत्साहात पार पडला. विद्यालयाचे माजी प्राचार्य शशिकांत कर्डेकर यांनी विज्ञानाच्या विविध शाखांतील शास्त्रीय माहिती, संशोधन आणि वैज्ञानिकांच्या कार्याचे संकलन करून हा कोश तयार केला आहे.
या ग्रंथामध्ये प्रत्येक महिन्यात प्रसिद्ध होणाऱ्या शास्त्रीय माहितीस एकत्र करून ज्ञानसंपन्न संदर्भग्रंथ निर्मितीचा उपक्रम करण्यात आला असून, त्याची पहिली ई-बुक आवृत्ती या प्रसंगी प्रकाशित करण्यात आली. यावेळी प्रमुख मान्यवर म्हणून सिद्धीविनायक विनायक मंदिर ट्रस्टचे विश्वस्त सुभाष जोशी, गणेश शिक्षण प्रसारक मंडळाचे अध्यक्ष सुनील यांसह अनेक मान्यवर यावेळी उपस्थित होते.
मुख्याध्यापक विलास वारखे यांनी स्वागतपर भाषणात या ग्रंथनिर्मितीचा उद्देश स्पष्ट केला. या ग्रंथामुळे विद्यालयाच्या शैक्षणिक उपक्रमांना नवी दिशा मिळाल्याचे मान्यवरांनी मत व्यक्त केले. समारोपाच्या वेळी गणेश शिक्षण प्रसारक मंडळाच्या पदाधिकाऱ्यांनी लेखकांचा विशेष सत्कार केला. या कार्यक्रमात शिक्षकवर्ग, विद्यार्थी, पालक आणि नागरिकांनी मोठ्या उत्साहात सहभाग घेतला. या कार्यक्रमासाठी अनंत पावसकर, पल्लवी जोशी, संजीवनी कर्डेकर, विवेक पुराणिक चंद्रशेखर दलाल, विलास वारघडे, सुनीता बुगडे आदींसह अनेक मान्यवर उपस्थित होते.