दातांची काळजी’ विषयावर माहितीपूर्ण सत्र
रोहा, ता. ५ (बातमीदार) ः एम. बी. मोरे इंग्लिश मीडियम स्कूलमध्ये ४ ऑक्टोबर रोजी लायन्स क्लब मार्फत इयत्ता १ ली ते ५ वीच्या विद्यार्थ्यांसाठी दातांची काळजी या विषयावर विशेष सत्राचे आयोजन करण्यात आले होते. लायन्स क्लबच्या लायन लेडी संपदा देशपांडे, लायन लेडी सुश्मिता शितळकर, लायनलेडी जयश्री पवार आणि डॉ. तनुजा पवार उपस्थित होत्या. कार्यक्रमाद्वारे विद्यार्थ्यांना दात स्वच्छ ठेवण्याच्या पद्धती, योग्य ब्रशिंग तंत्रे आणि दातांचे आरोग्य टिकवण्याचे महत्व समजावून सांगितले गेले. डॉ. तनुजा पवार यांनी प्रत्येक विद्यार्थ्याची दंत चिकित्सा करून उपाययोजना सुचविली. कार्यक्रमाचे उद्दिष्ट विद्यार्थ्यांमध्ये दंत आरोग्याबाबत जागरूकता निर्माण करणे होते.त्याला प्रोत्साहन देण्यासाठी विद्यार्थ्यांना लायन्स क्लब तर्फे टूथब्रश व टूथपेस्ट याचे वाटप करण्यात आले.उपस्थित पाहुण्यांचे स्वागत मुख्याधिपीका सौ. तेजल सावंत मॅडम यांनी तर सूत्रसंचालन विजिता पडवळ मॅडम यांनी केले.