कासा (बातमीदार) ः डहाणू शहरात दिवसाढवळ्या वाहनचोरीची घटना घडल्याने परिसरात खळबळ उडाली आहे. डहाणूतील गौरव राजेंद्र मर्दे (वय २५) यांनी रविवारी (ता. ५) दुपारी आयडीयल बुक स्टॉलसमोर मुख्य रस्त्याच्या कडेला उभी ठेवलेली त्यांची दुचाकी (एमएच ४८ सीपी १३०३) चोरट्याने चोरून नेली. त्यांनी स्कूटी पार्क करून डिक्कीतील सामान काढताना चावी चुकून आतच राहिली होती. याचा फायदा घेत त्यांची स्कूटी चोरट्याने पळवली. याप्रकरणी डहाणू पोलिस ठाण्यात तक्रार नोंदवल्यावर गुन्हा दाखल करण्यात आला आहे.