माणगावमध्ये विद्यार्थ्यांसाठी योगा सत्राचे आयोजन
माणगाव (वार्ताहर) ः श्रीमती गीता दत्तात्रय तटकरे कॉलेज ऑफ नर्सिंगमध्ये नवीन प्रवेशित विद्यार्थ्यांसाठी विशेष योगा सत्राचे आयोजन करण्यात आले. कार्यक्रमाचे अध्यक्षस्थान माणगाव शिक्षण प्रसारक मंडळाचे अध्यक्ष राजीव साबळे यांनी भूषविले. मंडळ समिती आणि महाविद्यालय व्यवस्थापन समिती आणि महाविद्यालयाच्या प्राचार्या मेहरोश सनगे यांच्या मार्गदर्शनाखाली हा कार्यक्रम पार पडला. या कार्यक्रमाचे मार्गदर्शन प्रो फिटनेस हेल्थ क्लब माणगावचे मालक मनोज उभारे यांनी केले. या कार्यक्रमाचा उद्देश विद्यार्थ्यांमध्ये आरोग्याबाबत जागरूकता निर्माण करणे आणि तणावमुक्त शिक्षणासाठी योगाचे महत्त्व पटवून देणे हा होता. मनोज उभारे यांनी विद्यार्थ्यांना विविध योगासनांचे प्रात्यक्षिक करून दाखवले. प्राचार्या मेहरोश सनगे, सायली बक्कम, सोहम पोवार, संदीप सुतार, वैभव पाटील आणि अनघा गमरे यांनी या कार्यक्रमाच्या यशासाठी मोलाचे योगदान दिले.