रस्ते वाहतुकीत आठ दिवस बदल
अलिबाग, ता. १२ (वार्ताहर) ः नागोठणे- कुडूस- पेझारी- कार्लेखिंड- अलिबाग- कुरूळ- बेलकाडेमार्गे उसरपर्यंत कार्गोची वाहतूक केली जाणार आहे. त्यामुळे आठ दिवसांच्या कालावधीत रात्री एक वाजल्यापासून ते सकाळी पाच वाजेपर्यंत मार्गावरील फक्त एकच मार्गिका सुरू राहणार आहे.
उसर येथील यांनी गेल कंपनीसाठी लागणाऱ्या अति-अवजड सेल (कार्गो) मशिनरीची वाहतूक नागोठणे- कुडूस- पेझारी- कार्लेखिंड- अलिबाग- कुरूळ- बेलकाडेमार्गे उसर अशी करण्यात येणार आहे. प्रीमियर ट्रान्स्पोर्ट लिमिटेड कंपनी ११ ते १८ ऑक्टोबरदरम्यान वाहतूक करण्यात येणार आहे. या काळात सर्व प्रकारच्या वाहनांसाठी एकच मार्गिका असणार आहे. त्यामुळे वाहतूक कोंडीचा त्रास टाळण्यासाठी वेळेत पर्यायी मार्गांचा वापर करावा, असे आवाहन जिल्हाधिकारी, पोलिस अधीक्षक कार्यालयाने केले आहे.