मुंबई टेस्ट चॅम्पियनशिप बुधवारपासून होणार सुरू
ठाणे (बातमीदार) ः श्री कोकण क्रीडा मंडळ आयोजित मुंबई टेस्ट चॅम्पियनशिप क्रिकेट स्पर्धेला बुधवार (ता. १५)पासून सुरुवात होणार आहे. आठ संघांची दोन गटांत विभागणी करण्यात आली असून सामने साखळी व बाद पद्धतीने खेळवले जातील. प्रत्येक गटातील अव्वल दोन संघ बाद फेरीस पात्र ठरणार आहेत. उद्‍घाटन सामना म्हात्रेपाडा मैदानावर स्पोर्टसफिल्ड यंगस्टर विरुद्ध वासू परांजपे क्लबमध्ये रंगणार आहे. या कार्यक्रमाचे उद्‍घाटन संजय गायतोंडे यांच्या हस्ते होईल. उत्कृष्ट फलंदाज, गोलंदाज, क्षेत्ररक्षक व स्पर्धेतील सर्वोत्तम खेळाडूंचा गौरव केला जाईल. या संबंधित अधिक माहितीसाठी ८६९३०८५५५, या क्रमांकावर संपर्क साधण्याचे आवाहन आयोजकांनी केले आहे.