मुंबई

प्रदूषणमुक्त दिवाळीसाठी विद्यार्थ्यांची जनजागृती रॅली..

CD

प्रदूषणमुक्त दिवाळीसाठी विद्यार्थ्यांची जनजागृती रॅली
ठाणे, ता. १६ (बातमीदार) ः दिवाळी हा आनंद, प्रकाश, एकोप्याचा आणि उत्सवाचा सण असला तरी, या काळात वाढणारे ध्वनी व वायुप्रदूषण आरोग्य व पर्यावरणासाठी धोकादायक ठरत आहे. याच पार्श्वभूमीवर, जनरल एज्युकेशन इन्स्टिट्यूट संचलित मो. ह. विद्यालय व जीईआय ब्लॉसम इंग्लिश स्कूल ठाणे यांच्या वतीने प्रदूषणमुक्त दिवाळी, करू आनंदाने साजरी! या संकल्पनेवर आधारित जनजागृती रॅलीचे आयोजन करण्यात आले.
ही रॅली गुरुवारी (ता. १६) ठाण्यातील तलावपाळी येथील छत्रपती शिवाजी महाराजांच्या पुतळ्यापासून सुरू झाली. विद्यार्थ्यांनी हातात फलक, घोषणा देत नागरिकांना प्रदूषणविरहित दिवाळी साजरी करण्याचे आवाहन केले. विद्यार्थ्यांनी फटाक्यांमुळे होणारे प्रदूषण, आरोग्यावरील परिणाम आणि प्राणी-पक्ष्यांवरील दुष्परिणाम याबाबत नागरिकांमध्ये जागरूकता निर्माण केली. ध्वनिप्रदूषण टाळा, मातीचे दिवे वापरा, हरित दिवाळी साजरी करा, अशा विविध घोषणांनी परिसर दुमदुमून गेला. या उपक्रमामध्ये शाळेतील शिक्षक, पालक व अनेक स्थानिक नागरिकांनीही सहभाग घेतला. या वेळी बोलताना विद्यालयाच्या मुख्याध्यापकांनी सांगितले की, दिवाळीचा खरा आनंद हा पर्यावरणस्नेही आणि सर्वांसाठी सुखद असावा. यासाठी विद्यार्थ्यांमार्फत हा उपक्रम राबवण्यात आला आहे. यावेळी स्वच्छता आणि पर्यावरण रक्षणाची शपथ विद्यार्थ्यांनी घेतली. हा उपक्रम परिसरात विशेष लक्षवेधी ठरला असून, यामधून प्रदूषणमुक्त सण साजरा करण्याचा सकारात्मक संदेश नागरिकांपर्यंत पोहोचवण्यात शाळेला यश आले असल्याचे प्राचार्य विकास पाटील यांनी सांगितले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IND vs SA, 1st ODI: भारताने मारले रांचीचे मैदान, द. आफ्रिकेला दिली मात; कोहलीच्या शतकानंतर कुलदीप यादव-हर्षित राणा चमकले

Eknath Shinde: ठाण्यातील 'या' शहराला 'टेम्पल सिटी' बनवणार; उपमुख्यमंत्री एकनाथ शिंदेंचे आश्वासन, काय म्हणाले?

Lonavala Car Fire : मुंबई–पुणे द्रुतगती मार्गावर धावत्या मोटारीला अचानक आग; चालकाच्या प्रसंगावधानाने मोठी दुर्घटना टळली!

Hinjewadi News : यापुढे अपघात झाला, तर मालकच जबाबदार; ‘आरएमसी’ मालक-चालकांना हिंजवडी पोलिसांची कठोर शब्दांत समज!

IND vs SA, 1st ODI: विराट कोहलीने शतक करताच रोहितने दिली शिवी? गौतम गंभीरची कशी होती रिऍक्शन? पाहा Video

SCROLL FOR NEXT