मनोर, ता. २१ (बातमीदार) : दिवाळीच्या पार्श्वभूमीवर पालघर तालुक्यातील शिलटे जिल्हा परिषद शाळेत ऐतिहासिक गडकिल्ल्यांची प्रतिकृती साकारण्याचा उपक्रम विद्यार्थ्यांकडून राबविण्यात आला. शिक्षकांच्या मार्गदर्शनात विद्यार्थ्यांनी स्वराज्याची राजधानी रायगड या संकल्पनेवर आधारित रायगड किल्ल्याची पर्यावरणपूरक प्रतिकृती साकारली.
किल्ले साकारण्यासाठी माती, गवत, कागद, दगड, कापड व इतर नैसर्गिक आणि पर्यावरणपूरक वस्तूंचा वापर करण्यात आला. विद्यार्थ्यांनी किल्ल्याचा संपूर्ण नकाशा काढून सुरुवात केली आणि त्यानंतर रायगड किल्ल्याचा महादरवाजा, राजभवन, जगदीश्वर मंदिर, शिवाजी महाराजांची समाधी, बाजारपेठ, गंगासागर तलाव आणि मोती तलाव या महत्त्वाच्या स्थळांची प्रतिकृती बारकाईने साकारली. मावळ्यांचे कागदी कटआऊट्स किल्ल्याच्या प्रतिकृतीला वास्तवतेचा स्पर्श मिळाला. किल्ले उभारणी उपक्रम विद्यार्थ्यांना इतिहासाची जाण, सामूहिक कार्याची सवय आणि पर्यावरण रक्षणाचे भान एकाच वेळी देतो. ‘पर्यावरणपूरक स्वराज्याचा गड’ ही संकल्पनाच आमच्या शाळेची खरी दिवाळी सजावट ठरल्याचे प्रमुख शिक्षिका सुमन बिर्जे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.