कॅश रिसायकलिंग मशीनचे मुंबई बँकेत उद्‌घाटन
मुंबई, ता. २० ः मुंबई बँकेच्या ग्राहकांना रांगा न लावता खात्यात रक्कम भरणा करण्यासाठी आणि काढण्यासाठी कॅश रिसायकलिंग मशीन प्रणालीचे उद्‌घाटन बँकेचे अध्यक्ष आमदार प्रवीण दरेकर यांच्याहस्ते करण्यात आले.
बँकेच्या इतर २८ शाखांमध्ये ही प्रणाली लवकरच कार्यान्वित करण्यात येईल. ग्राहकांना अत्याधुनिक सेवा देण्याच्या उद्देशाने कॅश रिसायकलिंग मशीन कार्यरत करण्यात आली आहे. कॅश रिसायकलिंग मशीनच्या प्रणालीद्वारे ग्राहकांना त्यांच्या बँकेतील खात्यामध्ये रोख रक्कम भरणे व काढणे सोयीचे होईल. ही सेवा ग्राहकांना २४ तास उपलब्ध होणार असून, यामुळे ग्राहकांच्या वेळेची बचत होईल, असेही अधिकाऱ्यांनी सांगितले. याप्रसंगी मुंबई बँकेचे कार्यकारी संचालक डी. एस. कदम, मुख्य सरव्यवस्थापक संदीप सुर्वे उपस्थित होते.