हरवलेले मोबाईल केले परत
धारावी, ता. २६ (बातमीदार) ः धारावी पोलिस ठाण्याच्या हद्दीत चोरी झालेले तसेच हरवलेले मोबाईल फोन शोधण्याच्या मोहिमेत पोलिसांना मोठे यश आले आहे. पोर्टलवर नोंद झालेल्या मोबाईल फोनपैकी एकूण ७३ विविध कंपन्यांचे मोबाईल फोन धारावी पोलिस ठाण्याचे पोलिस शिपाई समीर पिंजारी यांनी कौशल्यपूर्ण तपासाद्वारे शोधून काढले आहेत.
हस्तगत करण्यात आलेल्या या मोबाईल फोनची एकूण किंमत अंदाजे १० लाख ८० हजार रुपये इतकी आहे. मोबाईल परत मिळाल्याने नागरिकांच्या चेहऱ्यावर आनंद आणि समाधानाची लहर उमटली. ही कारवाई परिमंडळ पाचचे पोलिस उपआयुक्त महेंद्र पंडित, धारावी पोलिस ठाण्याचे वरिष्ठ पोलिस निरीक्षक राजू बिडकर यांच्या मार्गदर्शनाखाली करण्यात आली.