वाहनाच्या धडकेत इसमाचा मृत्यू
नवीन पनवेल, ता. २६ (बातमीदार)ः वाहनाच्या धडकेत ३५ वर्षीय व्यक्तीचा मृत्यू झाला. पनवेल ते खोपोली महामार्गावर शुक्रवारी पहाटेच्या सुमारास दांडफाट्याजवळ ही घटना घडली.
पनवेल तालुका पोलिसांना एक बेवारस मृतदेह असल्याची माहिती मिळाली होती. या व्यक्तीला वाहनाने धडक दिल्याने त्याचा मृत्यू झाला. व्यक्तीचे अंदाजे वय ३५ वर्षे असून, वर्ण सावळा, उंची ५.५ फूट, केस काळे, दाढी वाढलेली, बांधा मजबूत, नाक सरळ, अंगात पांढरा शर्ट पॅन्ट, डावे हाताच्या पोटरीवर जुन्या उभ्या, आडव्या जखमा, उजव्या दंडावरती तोळ, कपाळावर मधोमध तीळ, उजव्या डोळ्याच्या भुवईच्या बाजूस दोन इंचाचा जुना व्रण, डाव्या काखेच्या खाली दोन तीळ, असा पेहराव आहे. या व्यक्तीबाबत काही माहिती असल्यास संपर्क साधावा, असे आवाहन पोलिसांनी केले आहे.