वाणगाव, ता. २६ (बातमीदार) ः पालघर जिल्ह्यातील गरवे भातपीक चांगलेच बहरत आहे. कापणीच्या काळात शेतकऱ्यांचे हानिकारक रोग व किडींपासून संभाव्य नुकसान होऊ नये, या दृष्टिकोनातून कृषी शास्त्रज्ञांनी उपाययोजना सुचवल्या आहेत.
यावर्षी भातपीक चांगल्या प्रकारे तयार झाले होते; मात्र अवकाळी पावसाने काही भागात भातपीक पडल्यामुळे नुकसान झाले आहे. यातून शेतकरी सावरत आहे; मात्र कापणीदरम्यान काही किडी आणि रोगामुळे या पिकाचे नुकसान होऊ शकते. काही भागात अल्प प्रमाणात भातशेतीत लोंबीवरील ढेकण्या किडीचा परिणाम दिसून येत आहे. नुकसान टाळण्यासाठी कृषी विज्ञान केंद्रातील शास्त्रज्ञ डॉ. उत्तम सहाणे यांनी सध्या भातपिकावर कापणीच्या काळात येणाऱ्या लोंबीवरील ढेकण्या किडीपासून सावधानता बाळगावी, असे सांगितले आहे.
उपाययोजना
रोगट ओंब्या कापडी पिशवीत जमा करून त्या जाळून नष्ट कराव्यात. कापणी झाल्यावर धान्याचे अवशेष नष्ट करावेत. किडींचा प्रादुर्भाव जास्त असेल तर सकाळी किंवा संध्याकाळी या किडी जाळीने पकडून नष्ट कराव्यात. शेतात प्रकाश सापळा लावावा. कीड धान्य भरण्याच्या स्थितीत येत असल्याने शक्यतो सेंद्रिय पद्धतीनेच या किडींचा बंदोबस्त करावा. निमास्त्र पाच टक्के, दशपर्णी पाच टक्के किंवा अग्निस्त्र/ब्रह्मास्त्र अर्क पाच टक्क्यांची फवारणी करावी. नीम तेल तीन मिली प्रति लिटर पाणी आणि साबण द्रावण फवारणी केल्यास चांगले नियंत्रण मिळते. शेतात ट्रायकोग्रामा जापोनिकम या परजीवी किडीचा उपयोग करून जैवनियंत्रण करता येते. आठ दिवसांच्या अंतराने दोन ते तीन वेळा एकरी पाच ट्रायकोकार्ड शेतात लावावेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.