सिद्धकला विश्वस्त मंडळातर्फे बालसंस्कार केंद्र
घाटकोपर, ता. २७ (बातमीदार) ः घाटकोपर पूर्वेतील पंतनगर येथे सिद्धकला विश्वस्त मंडळातर्फे इमारत क्रमांक १०५च्या शेजारी बालसंस्कार केंद्राचे उद्‌घाटन माजी खासदार मनोज कोटक यांच्या हस्ते करण्यात आले. या वेळी विशेष अतिथी म्हणून घाटकोपरचे आमदार पराग शहा उपस्थित होते. भाजप महामंत्री संजय दरेकर (बाबू), भाईंदर शाखा सेवाप्रमुख भालचंद्र शिरसाट, ईशान्य मुंबई भाजप महामंत्री विकास कामत, ईशान्य मुंबई भाजप उपाध्यक्ष रवि कुंज, मंडळमंत्री गजानन पवार, मुंबई भाजप सचिव अशोक राय, सिद्धकला विश्वस्त मंडळाचे पदाधिकारी उपस्थित होते.
माजी खासदार मनोज कोटक म्हणाले, की समाजाला अशा केंद्रांची गरज ओळखून अधिकाधिक बालसंस्कार केंद्र स्थापन केली पाहिजेत. माझ्या कारकिर्दीतील हे तिसरे बालसंस्कार केंद्र असल्‍याचे त्‍यांनी सांगितले. आमदार पराग शहा म्हणाले, की लोकांची कामे करणे ही आमची जबाबदारी आहे. ती आम्ही सातत्याने पार पाडू.