बस चालकामुळे दुर्घटना टळली
श्रीवर्धन, ता.३ (वार्ताहर)ः मुंबई-गोवा महामार्गावरील नागोठणे नजीक वाकण येथे भरधाव बसचा टायर फुटला होता. यावेळी चालकाने प्रसंगावधान राखत गाडीवर नियंत्रण मिळवल्याने मोठी दुर्घटना टळली आहे.
ठाणे खोपट आगाराची बागमांडला-श्रीवर्धन-ठाणे बसचा टायर वाकण नजीक फुटला. यावेळी बसचा वेग साधारण सत्तर किलोमीटर प्रतिताशी एवढा होता. पण चालक पी.एम.बागुल यांनी प्रसंगावधान राखत गाडीवर ताबा मिळवला. चालकाच्या प्रसंगावधानामुळे‌ बसमधील ४२ प्रवाशांना कोणतीही दुखापत झाली नसल्याने सुटकेचा निःश्वास टाकला.