मेघवाडी पोलिसांचा ‘एकतेचा धाव उपक्रम’
जोगेश्‍वरी, ता. ४ (बातमीदार) ः सरदार वल्लभभाई पटेल यांच्या १५०व्या जयंतीनिमित्त मेघवाडी पोलिस ठाण्याच्या वतीने आयोजित ‘रन फॉर युनिटी’ हा उपक्रम मोठ्या उत्साहात पार पडला. सामाजिक ऐक्य, राष्ट्रीय एकात्मता आणि युवा प्रेरणा यांचा संदेश देणाऱ्या या उपक्रमाला स्थानिक नागरिक, विद्यार्थी व पोलिस दलाचा उत्स्फूर्त प्रतिसाद मिळाला. मेघवाडी पोलिस ठाणे येथून हेमा इंडस्ट्री, सर्वोदयनगर, कोकणनगर, श्यामनगरमार्गे मेघवाडी नाका ते शनिमहात्मा रोड, आयकर कॉलनीपर्यंत रॅली नेण्यात आली. २५० हून अधिक नागरिक सहभागी झाले होते. समाजसेवक चंद्रकांत कामठेकर, विजय जगदाळे यांची प्रमुख उपस्थिती होती.