महाराष्ट्र विरुद्ध ओडिसाची लढत
कूच बिहार स्पर्धेचा नागोठणेतील मैदानावर सामना
पोयनाड, ता.६ (बातमीदार) : रायगड जिल्ह्यातील नागोठणे येथील रिलायन्स क्रिकेट मैदानावर १६ ते १९ नोव्हेंबर दरम्यान कूच बिहार ट्रॉफीसाठी महाराष्ट्र विरुद्ध ओडिसा क्रिकेट संघाचा साखळी फेरीतील सामना होत आहे. त्यामुळे क्रिकेटप्रेमींमध्ये उत्साहाचे वातावरण आहे.
रणजी करंडक, कूच बिहार ट्रॉफीचे सामने तसेच भारतीय क्रिकेट नियामक मंडळ (बीसीसीआई) आयोजित विविध स्पर्धेतील सामन्यांचे रिलायन्सच्या मैदानावर यशस्वीपणे झाले आहे. येथील हिरवेगार मैदान, उत्तम दर्जाची खेळपट्टी, खेळाडूंची निवास व्यवस्था उत्तम दर्जाची असल्याने खेळांसाठी प्राधान्य दिले जात आहे. महाराष्ट्र क्रिकेट असोसिएशन, रायगड जिल्हा क्रिकेट असोसिएशन व रिलायन्स इंडस्ट्रीज नागोठणे विभागने या स्पर्धेचे नियोजन केले आहे. प्रेक्षकांना हा सामना मोफत पाहता येणार आहे. त्यामुळे क्रिकेटप्रेमींमध्ये उत्साहाचे वातावरण आहे.
-------------------------------------
खेळाडूंना प्रोत्साहन
सामन्याची पूर्व तयारी पाहणी करण्यासाठी आरडीसीएचे सहसचिव जयंत नाईक, सदस्य ॲड. पंकज पंडित, शंकर दळवी, संदीप जोशी, रिलायन्स हॉर्टिकल्चर विभागाचे प्रमुख शरद पवार, मैदानाचे कंत्राटदार संतोष कोठे यांनी पाहणी केली. यावेळी अशा प्रकारच्या स्पर्धांमधून रायगड जिल्ह्यातील खेळाडूंना प्रेरणा मिळते. तसेच भविष्यात रायगड जिल्ह्यातून होतकरू खेळाडू तयार होतील, असा विश्वास जयंत नाईक यांनी व्यक्त केला.