श्रीमद्‍भागवत रसामृत महोत्सव उत्साहात
घाटकोपर, ता. ६ (बातमीदार) ः येथील हॉकी ग्राउंडवर श्री मुसाफर भजन मंडळ, घाटकोपर यांच्या वतीने श्रीमद्‍भागवत रसामृत महोत्सवाचे आयोजन केले होते. आशीष व्यास यांनी या वेळी उपस्‍थितांना मार्गदर्शन केले. घाटकोपर पूर्वचे आमदार पराग शाह यांनी उपस्थित राहून मंडळाचे अभिनंदन केले. भाजपचे ईशान्य मुंबई सरचिटणीस भावेश भानुशाली हेदेखील उपस्थित होते. कथेदरम्यान झालेल्या भजन, कीर्तन व आध्यात्मिक चिंतनातून उपस्थित सर्व श्रद्धाळूंनी परमशांती, भक्तिभाव आणि आध्यात्मिक ऊर्जा यांचा अनोखा अनुभव घेतला.