इंदिरानगर परिसरात नव्या पाइपलाइन कामाचे उद्‍घाटन
टिटवाळा, ता. ८ (वार्ताहर) ः टिटवाळा इंदिरानगर स्मशानभूमी रोड परिसरात राष्ट्रवादी काँग्रेस पक्षाचे माजी नगरसेवक संतोष तरे यांच्या हस्ते नव्या पाइपलाइन टाकण्याच्या कामाचे उद्‍घाटन रविवारी (ता. २) झाले. यामुळे रहिवाशांची पाण्याची समस्या अखेर सुटणार आहे.
या सोहळ्यास तरे यांच्यासह स्थानिक नागरिक, सामाजिक कार्यकर्ते आणि इंदिरानगर संघर्ष रहिवाशी संघटनेचे पदाधिकारी मोठ्या संख्येने उपस्थित होते. आमदार विश्वनाथ भोईर यांच्या सहकार्याने आणि समाजसेवक संतोष जाधव, दशरथ आवाळे यांच्या पाठपुराव्यामुळे हे काम मार्गी लागले. संघर्ष रहिवाशी संघटनेचे अध्यक्ष गणेश भाटे, सचिव नंदलाल पगारे, कोषाध्यक्ष महेंद्र शेजुल, खजिनदार दिनेश निगम, संजय रणदिवे आणि संघानंद राऊत यांनीही या प्रकल्पासाठी सतत प्रयत्न केले.