पल्लवी पाटील, जीवन कोंडिलकरांची ‘आशिया बुक ऑफ रेकॉर्ड्स’मध्ये नोंद
नवी मुंबई, ता. १० ः पनवेल येथील नॅचरल वेलनेस हबचे संस्थापक जीवन कोंडिलकर आणि प्रसिद्ध निसर्गोपचारतज्ज्ञ‍ डाएटिशियन पल्लवी पाटील यांची आशिया बुक ऑफ रेकॉर्ड्समध्ये नोंद झाली आहे. त्यांनी डॉ. डीटी. श्वेता राय यांच्या मार्गदर्शनाखाली नैसर्गिक पद्धतीने इन्ट्राहेपॅटिक स्टोन काढण्याच्या विक्रमात मोलाची भूमिका बजावली आहे. गोव्यामध्ये हा सत्कार सोहळा पार पडणार आहे. ही नोंद २७ सप्टेंबर २०२५ रोजी गोवा येथील आशिया बुक ऑफ रेकॉर्डच्या अधिकाऱ्यांच्या उपस्थितीत सन्मानपूर्वक करण्यात आली. या सोहळ्यात गोव्याचे माजी वनमंत्री आणि भाजपचे वरिष्ठ नेते विनय दिनू तेंडुलकर यांच्या हस्ते प्रमाणपत्र प्रदान करण्यात आले. विधान परिषदेचे आमदार विक्रांत पाटील यांनी पल्लवी पाटील यांचे विशेष अभिनंदन केले. डॉ. राय यांच्या (महाराष्ट्र) या संस्थेच्या नेतृत्वाखाली झालेल्या या उपक्रमात लिव्हर डिटॉक्स प्रोग्रामचा विक्रम प्रस्थापित करण्यात आला. या कार्यक्रमात २३ ऑगस्ट २०२५ रोजी झूमद्वारे ५० हून अधिक सहभागी जोडले गेले होते. संजय सोनी, डीटी. प्राजक्ता मुठे आणि देवराज खत्रा यांनी सह-आयोजक म्हणून सहकार्य केले. या डिटॉक्स सत्राद्वारे नैसर्गिक आहार आणि घरगुती उपचार पद्धतींचा वापर करून शरीरातील इन्ट्राहेपॅटिक स्टोन्स (यकृतातील पित्ताशयातील खडे) आणि विषारी घटक नैसर्गिकरित्या बाहेर टाकण्यात यश मिळाले. या अभिनव उपक्रमामुळे भारताच्या निसर्गोपचार क्षेत्राला आंतरराष्ट्रीय मान्यता मिळाली आहे.