रेल्वे ट्रॅकमध्ये पडलेला मोबाईल दोन तासांत परत
मुंब्रा रेल्वे पोलिस चौकीतील कर्मचाऱ्यांचे कौतुक; प्रवाशाकडून आभार व्यक्त
सकाळ वृतसेवा
ठाणे, ता. १२ : रेल्वे ट्रॅकमध्ये पडलेला मोबाईल फोन शोधून तो ठाणे लोहमार्ग रेल्वे पोलिसांनी परत केला आहे. त्या मोबाईलची किंमत ३० हजार रुपये असल्याची माहिती लोहमार्ग पोलिसांनी दिली.
कल्याण येथे राहणारे रामप्रकाश त्रिपाठी (३५) हे मंगळवारी (ता. ११) मुंब्रा ते कळवा असा लोकल प्रवास करताना धीम्यागतीच्या बोगद्याजवळ मोबाईल पडला. याबाबत त्रिपाठी यांनी मुंब्रा रेल्वे स्थानकातील चौकीत धाव घेत, त्याबाबत माहिती दिली. त्यानुसार पोलिस हवालदार नलवडे, पोलिस शिपाई पवार, एमएसएफ बेनके यांनी तो मोबाईल शोधला असता, तो मोबाईल चालू स्थितीत व व्यवस्थित स्वरूपात मिळून आला. प्रवासी त्रिपाठी यांनी मोबाईल ओळखल्यावरून सदर मोबाईल हा प्रवासी यांच्या ताब्यात मुंब्रा रेल्वे पोलिस चौकीत खात्री करून ताब्यात दिला. त्यानंतर प्रवासी त्रिपाठी यांनी पोलिसांचे आभार मानले.