स्फुर्ति महिला संस्थेचा पाड्यावर आनंद उपक्रम
डोंबिवली, ता. १३ (बातमीदार) ः स्फुर्ति महिला संस्थेने अनोखा उपक्रम राबवत अंबरनाथ तालुक्यातील कुशीवली या आदिवासी पाड्यावर भेट दिली. यावेळी संस्थेतर्फे पाड्यातील महिलांना साडी, धान्याचे किट आणि दिवाळीचा फराळ वाटप करण्यात आले. यासोबतच शालेय विद्यार्थ्यांना कॅरम, बुद्धीबळ, सापशिडी, ज्युदो असे साहित्य वाटप केले. यावेळी मुलांच्या बौध्दीक स्पर्धा घेतल्या. यामुळे पाड्यावरील स्थानिकांमध्ये आनंदाचे वातावरण निर्माण झाले होते. याप्रसंगी संस्थेतील सरला हळबे, स्मिता शिंदे, जया देशपांडे, भारती बागी, आदिती शिंदे, प्रफुल्ल पाटील यांसह अनेक सदस्यांनी सहभाग घेतला होता.