परराज्यातील कांद्याचे भाव गडगडले
तुर्भे, ता.१५(बातमीदार): वाशीतील कृषी उत्पन्न बाजार समितीत मध्यप्रदेशातील कांद्याची अल्प तर गुजरातमधील आवक पूर्ण थांबली आहे. त्याचाच परिणाम म्हणून परराज्यातील काद्यांच्या भावांमध्ये घसरण झाली असून सध्या राज्यातील कांद्याची आवक मुबलक आहे.
वाशीतील कांदा-बटाटा बाजारात उत्तर प्रदेश, मध्य प्रदेश, गुजरात, कर्नाटक राज्यातून कांदा बटाट्याची आवक होते. मात्र, सध्या शेतकरी, व्यापाऱ्यांना मिळणारा भाव आणि वाहतूक खर्चामुळे परराज्यातील कांद्याची आवक थांबली आहे. मध्य प्रदेशमधून चार पाच गाड्या दाखल होत आहेत. त्यामुळे बाजारात सध्या कांद्याला १० ते १४ रुपयांचा भाव मिळत आहे. डिसेंबरपर्यंत अशीच परिस्थिती राहण्याचे संकेत व्यापारी देत आहेत.