रसायणीत कारखान्यात चोरी
खालापूर, ता.१५ (बातमीदार) : रसायणी पोलिस ठाणे हद्दीत वडगाव येथील एस. बी. स्कॅफ होल्डींग इंडिया प्रा. लि. या कारखान्यात चोरी झाल्याचा प्रकार सीसीटीव्हीच्या माध्यमातून उघडकीस आला. यामध्ये दोन संशयित चोरटे असल्याचे दिसून येत आहे. गुरुवारी (ता. १३) कारखान्याचे प्रवेशद्वाराला लागुन असलेल्या भिंती जवळून चोरट्यांनी आत प्रवेश करुन ताडपत्री बांधून तयार केलेल्या शेडमध्ये प्रवेश केला. शेडमधील ५७ हजार ९० रुपये किंमतीचा मालाची चोरी करण्यात आली आहे. याबाबत रसायनी पोलिसात गुन्हा दाखल झाला असून अधिक तपास पोलिस हवालदार सचिन चौरे करीत आहेत.