दीपक शेडगे यांना पुरस्कार
मुंबई, ता. १५ ः रेडिओ अँड टिव्ही प्रोफेशनल असोशिएशन ऑफ इंडिया (रापा) या प्रतिष्ठित संस्थेमार्फत दिल्या जाणाऱ्या व नुकत्याच पार पडलेल्या रापा पुरस्कार सोहळ्यात यावर्षी फुलराणी ॲडव्हरटायझिंगचे मुख्य कार्यकारी अधिकारी व सर्जनशील प्रमुख दीपक शेडगे यांना गौरवण्यात आले. शेडगे यांच्या यूट्युब चॅनेलला मनोरंजन व माहिती क्षेत्रात महत्त्वपूर्ण कामगिरी केल्याबद्दल आणि फुलराणी निर्मित ‘किती दिसानी आज असा का स्वप्नात सांग येशी’ या यूट्युबवरील गाण्याला सर्वोकृष्ट निर्मितीचे विशेष पारितोषिक देऊन गौरविण्यात आले. विलेपार्ले येथील ऑर्चिड हॉटेलमध्ये आयोजित या सोहळ्यासाठी उदय निरगुडकर, किरण शांताराम, ब्रिजभुषण, सरिता शेठी, आरजे मलिष्का, मुकेश शर्मा, अमृता राव, दिलीप ठाकूर इत्यादी जाहिरात व मनोरंजन क्षेत्रातील मान्यवर उपस्थित होते.