कामोठे मनोरंजनाचे केंद्र
महोत्सवात मनोरंजनपर कार्यक्रमाची मेजवानी
पनवेल, ता. १५ (बातमीदार)ः दिवंगत बळीराम राघो पावणेकर सार्वजनिक वाचनालय व ग्रंथालय आणि झेंडा सामाजिक संस्था यांच्या संयुक्त विद्यमाने होणारा आगरी-कराडी कामोठे महोत्सवातील मनोरंजनपर कार्यक्रम आकर्षण राहणार असून, ‘सकाळ माध्यम’ समूह प्रायोजक आहे.
माजी खासदार रामशेठ ठाकूर यांच्या हस्ते महोत्सवाचे उद्‍घाटन करण्यात आले. आगरी-कराडी कामोठे महोत्सव गेली १४ वर्षे भरत आहे. त्यामुळे यंदा महोत्सवाचा दशकपूर्ती सोहळा होत आहे. हा महोत्सव कामोठेकरांसाठी मनोरंजनाचे केंद्र असते. यानिमित्ताने कामोठे सेक्टर ११ मधील मैदानात विविध कलाकारांचे नृत्याविष्कार, आकाश पाळणे, खेळणी, खाद्यप्रेमींसाठी विविध खमंग खाद्यपदार्थांचे स्टॉल, दैनंदिन उपयुक्त वस्तूंची खरेदी. इत्यादींची रेलचेल असणार आहे. या महोत्सवातून स्थानिक मुलांच्या कलागुणांना वाव देण्यासाठी नृत्य स्पर्धा होत आहेत, शिवाय कामोठ्यातील मुलांसाठी गायनाची स्पर्धा, कामोठे श्री व कामोठ्यातील महिलांसाठी मीस कामोठे ही सौंदर्य स्पर्धा आकर्षण आहे. तसेच कोळीगीते, महाराष्ट्राची लोकधारा, गौरव महाराष्ट्राचा ग्रुप डान्स रसिक प्रेक्षकांच्या मनोरंजनासाठी सज्ज आहेत.
-----------------------------
कार्यक्रमाची रूपरेषा
वार कार्यक्रम
रविवार - रंग लावणीचा
सोमवार - मिस ॲण्ड मिसेस कामोठे
मंगळवार- ब्रासबॅण्ड उत्सव
बुधवार - ह.भ.प. पुरुषोत्तम दादा पाटील यांचे कीर्तन
गुरुवार - ग्रुप डान्स स्पर्धा
शुक्रवार - कामोठे महोत्सव श्री
शनिवार - रंगलाय कोळीवाडा
रविवार -महाराष्ट्राची लोकधारा
-----------------------
सकाळ माध्यम समूह प्रायोजित, झेंडा सामाजिक संस्था व बळीराम राघो पावणेकर आयोजित आगरी-कराडी कामोठे महोत्सव १४व्या वर्षात पदार्पण करत आहे. कामोठेकर म्हणून त्याचा अभिमान आहे. हा महोत्सव कामोठेवासीयांच्या ऐक्‍याचे प्रतीक आहे.
- ॲड. जय पावणेकर, अध्यक्ष, कामोठे महोत्सव