मुंबई, ता. १५ : वास्तुशास्त्राबाबत समाजात जागरूकतेचे कार्य करणाऱ्या ‘ओम काउन्सिलिंग सेंटर’ची यशोगाथा ‘महाब्रँड्स’मधून मांडण्यात येणार आहे. महाराष्ट्रीयन ब्रँड्ना सलाम करणारा हा कार्यक्रम ‘साम टीव्ही’वर रविवारी (ता. १६) दुपारी तीन वाजून ३० मिनिटांनी प्रसारित केला जाणार आहे. यात ‘ओम काउन्सिलिंग सेंटर’ची यशोगाथा दाखविण्यात येणार आहे.

वास्तुरचनाकार आणि बांधकाम व्यावसायिक वास्तुशास्त्रानुसारच घर बांधण्याला प्राधान्य देतात. कारण, घर विकत घेणारे कुटुंब वास्तुशास्त्रानुसार असलेल्या घरांचीच मागणी करतात. वास्तुशास्त्राला असलेले महत्त्व प्राचीन काळापासून आपल्याकडे मानले गेलेले आहे. वास्तुशास्त्राविषयी जागरूकता निर्माण करण्यासाठी अनेक तज्ज्ञ सखोल संशोधन आणि प्रयोगाद्वारे नवनवीन गोष्टी समाजाला देत आहेत. त्यातीलच एक अग्रगण्य नाव म्हणजे ‘ओम काउन्सिलिंग सेंटर’चे डॉ. निर्मल शहा. गेल्या तीन दशकांत ते वास्तुशास्त्राला एक नवीन ओळख मिळवून देताना, वास्तुशास्त्र कसे असावे आणि त्याची नेमकी आपल्या घराच्या रचनेत काय भूमिका असते, यावर सातत्याने वैज्ञानिक दृष्टिकोनातून मार्गदर्शन

करत आहेत.