वाडा, ता. १६ (बातमीदार) : नगरपंचायत निवडणुकीसाठी शिवसेनेच्या एकनाथ शिंदे गटाकडून शक्तिप्रदर्शन करीत उमेदवारी अर्ज आज (ता. १६) दाखल केला. नगराध्यक्षपदासाठी हेमांगी पाटील यांनी उमेदवारी अर्ज दाखल केला. या वेळी शिवसेनेचे नेते, आमदार रवींद्र फाटक, प्रकाश पाटील, नीलेश सांबरे, आमदार शांताराम मोरे, वसंत चव्हाण, सुनिल पाटील, शरद पाटील, नीलेश पाटील आदी उपस्थित होते.
शिवसेनेकडून प्रभाग क्रमांक १ रवींद्र कामडी, प्रभाग क्रमांक २ अंकिता तुंबडा, प्रभाग क्रमांक ६ प्रमिला पाटील, प्रभाग क्रमांक ८ उमेश लोखंडे, प्रभाग क्रमांक ९ शमीम शेख, प्रभाग क्रमांक १२ प्रसाद ठाकरे, प्रभाग क्रमांक १३ शेख फिरोज सुलतान, प्रभाग क्रमांक १४ रेश्मा गायकवाड, प्रभाग क्रमांक १६ अजिंक्य पाटील, प्रभाग क्रमांक १७ वंदना सुतार यांनी नामनिर्देशनपत्र पत्र निवडणूक निर्णय अधिकाऱ्यांकडे दाखल केले. या वेळी रविंद्र फाटक म्हणाले की, गेल्या काही महिन्यांत केलेल्या भरीव कामांमुळे वाडा नगरपंचायतीत भगवा फडकेल. नीलेश सांबरे यांनी पक्षाचे प्रमुख, उपमुख्यमंत्री एकनाथ शिंदे यांनी वाडा नगरपंचायतीसाठी भरीव निधी दिल्याने सिमेंट काॅंक्रीटीकरणचे रस्ते विजेची सोय, पाणी समस्या आदी अनेक समस्या मार्गी लागल्या आहेत, असे सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.